Orkanen er på storleik med Island, og beveger seg med farta til eit lite propellfly. Han er som ein kropp, stormen. Han kvervlar rundt i Atlanterhavet. Legg ei arm framfor seg, så eit kne. Kryp kring sitt eige auge. Stormens ytste lem møter Reykjavik ved midnatt. Moscow flight due for landing midnatt er cancelled. New York Newark at 3 AM cancelled. Duelles Washington at 3.30 cancelled. Cancelled er også Seattle at six, Chicago fem over, Toronto ti over og London Luton halv sju. Dublin kvart på åtte, London Gatwick kvart på åtte, Oslo klokka ni er kansellert. New York JFK kansellert. Stockholm kansellert. Trondheim, Helsinki, Vilius kansellert. Berlin Tegel ny tid 20.00 (mot 9.30, som var planen. Paris ny tid 20.30, mot 10, som var planen. Las Palmas, Munchen kansellert. Kanskje kan fly gå laurdag. Kanskje kan fly krype på laurdag, eller kanskje kvervle rundt og rundt i havet utanfor Keflavik. Det blir teke ny vurdering når stormen har kasta sitt blikk på havet utanfor, og er ute av syne.
Surtsey teater 